ଭୁବନେଶ୍ୱର: ପ୍ରଫେସର ବିଭୂତି ଭୂଷଣ ପ୍ରଧାନ ଓ ପ୍ରଫେସର ଗଙ୍ଗାଧର ସାହୁ ଙ୍କୁ ଶିକ୍ଷା ଓ ଅନୁସନ୍ଧାନ ବିଶ୍ଵବିଦ୍ୟାଳୟ ର ପ୍ରୋ- ଭାଇସ ଚାନ୍ସେଲର ଭାବେ ନିଯୁକ୍ତ କରାଯାଇଛି।
ପ୍ରଫେସର ପ୍ରଧାନ ବର୍ତ୍ତମାନ ବିଶ୍ଵବିଦ୍ୟାଳୟର ରେଜିଷ୍ଟ୍ରାର ଭାବେ କାର୍ଯ୍ୟ କରୁଥିଲା ବେଳେ ପ୍ରଫେସର ସାହୁ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ ଆଣ୍ଡ ସମ୍ ହସପିଟାଲର ଡିନ ଭାବେ ଅବସ୍ଥାପିତ ଅଟନ୍ତି।
ପ୍ରଫେସର ପ୍ରଧାନ ଓ ପ୍ରଫେସର ସାହୁ ପ୍ରୋ-ଭାଇସ ଚାନ୍ସେଲର ଭାବେ କାର୍ଯ୍ୟ 21ସମ୍ପାଦନ କରିବା ସହିତ ନିଜର ଅନ୍ୟ ଦାୟିତ୍ଵ ମଧ୍ୟ ତୁଲାଇବେ।
ପୂର୍ବରୁ ପ୍ରଫେସର ପ୍ରଧାନ ସୋଆ ପରିଚାଳିତ ସ୍କୁଲ ଅଫ ହୋଟେଲ ମ୍ୟାନେଜମେଣ୍ଟ ର ଡିନ, ଇନଷ୍ଟିଚ୍ୟୁଟ ଅଫ ବିଜନେସ ଆଣ୍ଡ କମ୍ପ୍ୟୁଟର ଷ୍ଟଡିଜର ଅଧ୍ୟକ୍ଷ ତଥା ମଣିପୁର ବିଶ୍ଵବିଦ୍ୟାଳୟ ର ବାଣିଜ୍ୟ ବିଭାଗ ର ଆସୋସିଏଟ ପ୍ରଫେସର ଭାବେ କାର୍ଯ୍ୟ କରିଛନ୍ତି।
ପ୍ରଫେସର ସାହୁ ପୂର୍ବରୁ ବୁର୍ଲାସ୍ଥିତ ଭି ଏସ ଏସ ମେଡିକାଲ କଲେଜର ସ୍ତ୍ରୀ ରୋଗ ବିଭାଗର ମୁଖ୍ୟ ଭାବେ ୬ ବର୍ଷ କାର୍ଯ୍ୟ କରିଥିଲେ। ସେ ରାଜ୍ୟର ଜଣେ ପ୍ରମୁଖ ସ୍ତ୍ରୀ ରୋଗ ବିଶେଷଜ୍ଞ ଅଟନ୍ତି।
ପ୍ରବୀଣ ସ୍ନାୟୁ ଶଲ୍ୟ ଚିକିତ୍ସକ ପ୍ରଫେସର ଡକ୍ଟର ଅଶୋକ କୁମାର ମହାପାତ୍ର ସୋଆ ବିଶ୍ଵବିଦ୍ୟାଳୟ ର ଭାଇସ ଚାନ୍ସେଲର ହୋଇଥିବା ବେଳେ ପ୍ରଫେସର ପ୍ରଦୀପ୍ତ କୁମାର ନନ୍ଦ ପ୍ରୋ-ଭାଇସ ଚାନ୍ସେଲର ଭାବେ ବର୍ତ୍ତମାନ କାର୍ଯ୍ୟ କରୁଛନ୍ତି।