ଅସ୍ତରଙ୍ଗ: ନଇଗୁଆଁ ଗ୍ରାମ ପଞ୍ଚାୟତର ନୂଆ ସରପଞ୍ଚ ଭାବରେ ଶପଥ ନେଇଛନ୍ତି ମଞ୍ଜୁଲତା ଖୁଣ୍ଟିଆ। ଗୁରୁବାର ବିଧିବଦ୍ଧ ଭାବରେ ସେ ଦାୟିତ୍ୱ ନେଇଛନ୍ତି। ମଞ୍ଜୁଲତାଙ୍କ ସ୍ୱାମୀ ପ୍ରତାପ ଖୁଣ୍ଟିଆ କଂଗ୍ରେସର ଜଣେ ଟାଣୁଆ ସଂଗଠକ। ପୁରୀ ଜିଲ୍ଲା କଂଗ୍ରେସର ସେ ସମ୍ପାଦକ ରହିଛନ୍ତି।
ଚଳିତ ପଞ୍ଚାୟତ ନିର୍ବାଚନରେ ଏହି ପଞ୍ଚାୟତ ମହିଳାଙ୍କ ପାଇଁ ସଂରକ୍ଷିତ ରହିବା ପରେ ପ୍ରତାପଙ୍କ ପତ୍ନୀ ପ୍ରାର୍ଥୀନି ହୋଇଥିଲେ। ତେବେ ଦାୟିତ୍ୱ ନେବା ପରେ ମଞ୍ଜୁଲତା କହିଛନ୍ତି, ଦଳମତ ନିର୍ବିଶେଷରେ ପଞ୍ଚାୟତ ବାସୀଙ୍କ ସେବା କରିବି। ଦୁର୍ନୀତି ଓ ଅନିୟମିତତା ନେଇ ସବୁବେଳେ ଚର୍ଚ୍ଚାକୁ ଆସିଥିବା ଏହି ପଞ୍ଚାୟତରେ ନୂଆ ଅଧ୍ୟାୟ ଆରମ୍ଭ କରିବି ବୋଲି କହିଛନ୍ତି।
ଅସ୍ତରଙ୍ଗ ବ୍ଲକରେ ସର୍ବାଧିକ 1200 ଭୋଟରେ ମଞ୍ଜୁ ଲତା ବିଜୟୀ ହୋଇଥିଲେ। ପଞ୍ଚାୟତ ବାସୀ ମଧ୍ୟ ତାଙ୍କଠାରୁ ଅନେକ କିଛି ଆଶା କରିଛନ୍ତି। ଶାସକ ବିଜେଡିକୁ ଚକମା ଦେଖାଇ, ସବୁ ଆଶାକୁ ଧୂଳିସାତ କରିଥିଲେ ମଞ୍ଜୁ। ଏବେ ଦେଖିବାର କଥା ପଞ୍ଚାୟତ କେତେ ଆଗକୁ ଯାଉଛି।