ଅନୁଗୁଳ: ଭାରତୀୟ ଇନଷ୍ଟିଚ୍ୟୁଟ ଅଫ କଷ୍ଟ ଆକାଉଣ୍ଟାଣ୍ଟ ର ତାଳଚେର – ଅନୁଗୋଳ ଚାପ୍ଟର ଓ Wallet4Wealth ଦ୍ଵାରା ପୁଞ୍ଜି ବଜାର ଓ ମ୍ୟୁଚୁଆଲ ଫଣ୍ଡ ଶୀର୍ଷକ ବିଷୟରେ ଏକ ଆଲୋଚନା ଚକ୍ର ସ୍ଥାନୀୟ ନାଲକୋନଗର ଠାରେ ଅନୁଷ୍ଠିତ ହୋଇଯାଇଛି। ଏହି ସେମିନାର ରେ 250 ରୁ ଉର୍ଦ୍ଧ୍ବ ନିବେଶକ ଓ କଷ୍ଟ ଆକାଉଣ୍ଟାଣ୍ଟ ଭାଗ ନେଇଥିଲେ।
ମହାନଦୀ କୋଲ ଫିଲ୍ଡ ର ବିତ୍ତ ନିର୍ଦ୍ଦେଶକ ଶ୍ରୀ କେ ଆର ବାସୁଦେବନ ମୁଖ୍ୟ ଅତିଥି ଏବଂ ନାଲକୋ ଅନୁଗୋଳ ର ଇ ଡି ଅମ୍ବିକା ପ୍ରସାଦ ପଣ୍ଡା, ସି ସି ଏମ ନିରଞ୍ଜନ ମିଶ୍ର, ୱାଲେଟ୍ ଫର୍ ୱେଲଥ ର ଏମ ଡି ତ୍ରିନାଥ ଲେଙ୍କା, ନାଲକୋ ଅତିରିକ୍ତ କମ୍ପାନୀ ସଚିବ ଭରତ କୁମାର ସାହୁ, ନାଲକୋ ର ବିତ୍ତ ମହା ପ୍ରବନ୍ଧକ ମିହିର ରଥ, ଶୀର୍ଷକ ଆଲୋଚନା ପୁଙ୍ଖାନୁପୁଙ୍ଖ ଭାବେ କରିଥିଲେ।
ଚାପ୍ ଟର ର ସଭାପତି ଅନ୍ତର୍ଯ୍ୟାମୀ ଆଚାର୍ଯ୍ୟ ସେମିନାର ପରିଚାଳନା କରି କହିଥିଲେ ଯେ ଅନୁଗୋଳ ରେ କଷ୍ଟିଂ ଚାପ୍ଟର୍ ହେବା ଦ୍ବାରା ଶତାଧିକ ଛାତ୍ରୀ ଛାତ୍ର କଷ୍ଟ ଆକାଉଣ୍ଟାଣ୍ଟ ହେବାକୁ ସୁଯୋଗ ପାଇ ପାରୁଛନ୍ତି।ଏହି ସେମିନାର କର୍ପୋରେଟ ଆଇନ ମାସ ପାଳନ ପରିପ୍ରେକ୍ଷୀରେ ଆୟୋଜିତ ହୋଇଥିଲା।