ନୂଆଦିଲ୍ଲୀ : ଜମ୍ମୁ-କାଶ୍ମୀରର ପହଲଗାମରେ ହୋଇଥିବା ଆତଙ୍କୀ ହମଲାକୁ କଡ଼ା ଶବ୍ଦରେ ନିନ୍ଦା କରି ପୂରା ଦୁନିଆ ଭାରତ ସହ ଠିଆ ହୋଇଛି। ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ, ରୁଷ୍ର ରାଷ୍ଟ୍ରପତି ଭ୍ଲାଗଦିମିର ପୁଟିନଙ୍କ ବ୍ୟତୀତ ଅନେକ ୟୁରୋପୀୟ ଓ ଆରବ ଦେଶ ଆତଙ୍କବାଦ ବିରୋଧରେ ଲଢେଇ ଲଢିବାରେ ଭାରତକୁ ସମର୍ଥନର ଆଶ୍ୱାସନା ଦେଇ ସାରିଛନ୍ତି। ଏହି ମଧ୍ୟରେ ଆମେରିକୀୟ ଗୁଇନ୍ଦା ମୁଖ୍ୟ ତୁଳସୀ ଗବାର୍ଡ ପହଲଗାମ ହମଲାକୁ ଇସଲାମିକ ହମଲା ଦର୍ଶାଇ କହିଛନ୍ତି ଯେ, ଆତଙ୍କୀଙ୍କୁ ଧରିବାରେ ଆମେରିକା ଭାରତକୁ ସବୁ ପ୍ରକାରର ସାହାଯ୍ୟ କରିବ। ଏହି ମୁସ୍କିଲ ସମୟରେ ଆମେରିକା ଭାରତ ସହ ଦୃଢ ଭାବେ ଠିଆ ହୋଇଛି।