ଭୁବନେଶ୍ୱର: ପଞ୍ଚାୟତ ନିର୍ବଚନ ଚାଲିଥିବା ବେଳେ ମମିତା ମେହେର ମାମଲାରେ ପୋଲିସ ଚାର୍ଜସିଟ ଦାଖଲ କରିଛି । ଚାର୍ଜସିଟ 2 ଜଣଙ୍କ ବିରୋଧରେ ଦିଆଯାଇଛି ହେଲେ ମୁଖ୍ୟ ଅଭିଯୁକ୍ତ କୁହାଯାଉଥିବା ଗୃହ ରାଷ୍ଟ୍ରମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ରଙ୍କ ବିରୋଧରେ କିଛି ବି ଉଲ୍ଲେଖ ନାହିଁ । ରାୟପୁର ଯାଇଥିବା ନେଇ ଦିବ୍ୟଶଙ୍କର ମିଶ୍ର ପୂର୍ବରୁ ମନା କରୁଥିଲେ । ହେଲେ ଦିବ୍ୟଶଙ୍କର ମିଶ୍ର ଅକ୍ଟୋବର 15 ତାରିଖରେ ରାୟପୁର ଯିବା ସହ ଚଣ୍ଡୀଗଡ଼ ଯାଇ 18 ତାରିଖରେ ରାୟପୁର ଦେଇ ଓଡିଶା ଫେରିଛନ୍ତି । ତାପରେ 19 ତାରିଖରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ଆଖୁ କିଆରିରୁ ଗିରଫ ହୋଇଛି । ଏଠାରେ ପ୍ରଶ୍ନ ଏହା ସଂଯୋଗ ନା ପ୍ରୟୋଗ । କଂଗ୍ରେସ ଦାବି କରୁଛି ଗୋବିନ୍ଦ ସାହୁ, ଦିବ୍ୟ ଶଙ୍କର ମିଶ୍ର ଏବଂ ମମିତା ମେହେରଙ୍କର କଲ ରେକର୍ଡ ଯାଞ୍ଚ କରନ୍ତୁ । ଏହି ଭିଡିଓରୁ ରାୟପୁରରେ ଗୃହ ରାଷ୍ଟ୍ର ମନ୍ତ୍ରୀ ଦିବ୍ୟ ଶଙ୍କର ମିଶ୍ର ଥିଲେ ବୋଲି ସ୍ପଷ୍ଟ ହେଉଛି ।
ମମିତାର ଦେହ ସିନା ଜଳିଯାଇଛି କିନ୍ତୁ ଆତ୍ମା କାନ୍ଦୁଛି ।
ନିରପେକ୍ଷ ଭାବେ କାମ କରୁ ଓଡିଶା ପୋଲିସ ।
ଓଡିଶା ସରକାର ମନ୍ତ୍ରୀ ଯାଉଛନ୍ତି ବୋଲି ଚଣ୍ଡୀଗଡ଼ ସରକାରଙ୍କୁ ଜଣାଇଛନ୍ତି କି ?
ମନ୍ତ୍ରୀ ଯିବା ପୂର୍ବରୁ ରାଜ୍ୟ ସରକାରଙ୍କ ଠାରୁ ଅନୁମତି ନେଇ ଯାଇଥିଲେ କି ?
ଦିବ୍ୟ ଶଙ୍କର ମିଶ୍ର 11 ତାରିଖରୁ 18 ତାରିଖ ପର୍ଯ୍ୟନ୍ତ କେଉଁଠି ଥିଲେ ସ୍ପଷ୍ଟ କରନ୍ତୁ ସରକାର ବୋଲିି ଆଜି ସାମ୍ବାଦିକ ସମ୍ମିଳନୀ କରି ଦାବି କରିଛନ୍ତି କଂଗ୍ରେସ ମୁୁଖପତ୍ର ମନୋଜ ମହାପାତ୍ର।
