କୁଚିଣ୍ଡା: ବିଜେଡି ନେତାଙ୍କୁ ଅପହରଣ ଅଭିଯୋଗରେ ବିଜେପି ନେତାଙ୍କୁ ବାନ୍ଧିଲା ପୋଲିସ। ବିଜେଡି ନେତା ନିଶାନ୍ତ ଦୀକ୍ଷିତଙ୍କୁ ଅପହରଣ ଅଭିଯୋଗରେ ସମ୍ବଲପୁର ବିଜେପି ଯୁବ ମୋର୍ଚ୍ଚା ସଭାପତି ଅଶ୍ୱନି ମାଝୀଙ୍କ ସହ ୭ଜଣ ଗିରଫ ହୋଇଛନ୍ତି। ନିଶାନ୍ତଙ୍କୁ ଅପହରଣ କରି ରେଢ଼ାଖୋଲ ଜଙ୍ଗଲରେ ଛାଡ଼ି ଦେଇଥିବା ଅଭିଯୋଗ ହୋଇଥିଲା।
ଗତକାଲି ନିଶାନ୍ତ ଜମନକିରା ବ୍ଲକ ଖର୍ସଲମାଲ ଅଞ୍ଚଳରେ ପ୍ରଚାର କରୁଥିବା ସମୟରେ ତାଙ୍କୁ ଅଶ୍ୱନୀ ମାଝୀ ଓ ତାଙ୍କ ସହଯୋଗୀ ମାନେ ୨ଟି ଗାଡ଼ିରେ ଆସି ଅପହରଣ କରିନେଇଥିଲେ । ପୋଲିସ ପିଛା କରୁଥିବା ବେଳେ ଧରାପଡ଼ିଯିବା ଭୟରେ ତାଙ୍କୁ ଜୁଯୁମୁରା ଥାନା ମେଘପାଳ ଜଙ୍ଗଲରେ ଛାଡ଼ି ଦେଇଥିଲେ । ପୋଲିସ ଘଟଣା ସ୍ଥଳରୁ ୨ ଟି ଗାଡ଼ି ଜବତ କରିବା ସହ ୭ ଜଣଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି।