ଜଙ୍ଗଲୀ ହାତୀଙ୍କ ପାଇଁ ବନ୍ଦ ହେଲା ନନ୍ଦନକାନନ

ଭୁବନେଶ୍ୱର: ନନ୍ଦନକାନନ ପଶିଲେ ଜଙ୍ଗଲୀ ହାତୀ  । ଶେଷରେ  ନନ୍ଦନକାନନ ବନ୍ଦ କରିବାକୁ କର୍ତ୍ତୃପକ୍ଷ ବାଧ୍ୟ ହୋଇଛନ୍ତି।  ଏ ନେଇ ଏସିଏଫ୍ ଶରତ ଚନ୍ଦ୍ର ବେହେରା ପ୍ରତିକ୍ରିୟା ରଖି କହିଛନ୍ତି ଯେ ଜିରାଫ ଖୁଆଡ ପାଖରେ ରହିଛନ୍ତି ଦୁଇ ଦନ୍ତା । ପର୍ଯ୍ୟଟକଙ୍କ ସୁରକ୍ଷା ପାଇଁ ଆଜି ବନ୍ଦ ରହିବ ନନ୍ଦନକାନନ । ଦିନ ସମୟରେ ଅପରେସନ ଗଜରାଜ ବନ୍ଦ ରଖାଯାଇଛି । କାରଣ ଦିନବେଳେ ଘଉଡାଇଲେ ଅନ୍ୟ ଖୁଆଡ ଭାଙ୍ଗିବା ଆଶଙ୍କା ଅଛି । ସେଥିପାଇଁ ଘଉଡାଇବା କାର୍ଯ୍ୟ ବନ୍ଦ କରାଯାଇଛି । ଚନ୍ଦକା ଏବଂ ନନ୍ଦନକାନନର ଦୁଇଟି ଟିମ୍ ହାତୀ ଉପରେ ନଜର ରଖିଛନ୍ତି । ସନ୍ଧ୍ୟା ୫ଟାରେ ପୁଣି ଆରମ୍ଭ ହେବ ଅପରେସନ ଗଜରାଜ । ଗତକାଲି ରାତିରେ ପାଚେରୀ ଭାଙ୍ଗି ନନ୍ଦନକାନନ କୁ ପଶି ଆସିଛନ୍ତି । ରାତିହେଲେ ସେହି ରାସ୍ତା ଦେଇ ସେମାନଙ୍କୁ ଘଉଡାଯିବ କହିଛନ୍ତିି ନନ୍ଦନକାନନ ଏସିଏଫ୍
ଶରତ ଚନ୍ଦ୍ର ବେହେରା ।