ଆଦିବାସୀ ମେଳା ଉଦଯାପିତ

ଭୁବନେଶ୍ବର: ଉଦଯାପିତ ହୋଇଯାଇଛି ରାଜ୍ୟସ୍ତରୀୟ ଆଦିବାସୀ ମେଳା ମହୋତ୍ସବ-2024 । 11 ଦିନ ବ୍ୟାପୀ ଚାଲିଥିବା ଏହି ମେଳାରେ ପ୍ରାୟ 10 ଲକ୍ଷରୁ ଅଧିକ ଦର୍ଶକ ବୁଲିଥିବା ବେଳେ ପ୍ରାୟ 5 କୋଟିରୁ ଅଧିକ ବ୍ୟବସାୟ ହୋଇଛି । ଓଡ଼ିଶାର ଜନଜାତି ଜୀବନ, ଭାଷା, କୃଷି ସମୃଦ୍ଧି, ମହିଳା ସଶକ୍ତିକରଣ, ସାଂସ୍କୃତିକ ପ୍ରୋତ୍ସାହନ ଓ ସଂରକ୍ଷଣ, ଜୀବିକା ଓ ରୋଜଗାରକୁ ନେଇ ଆୟୋଜିତ ହୁଏ ରାଜ୍ୟସ୍ତରୀୟ ଆଦିବାସୀ ମେଳା । ସହରରେ ମିନି ଜନଜାତି ଗ୍ରାମର ଭ୍ରମ ସୃଷ୍ଟି କରିଥାଏ ଏହି ମେଳା । ଉଦଯାପନୀ ସନ୍ଧ୍ୟାରେ ମୁଖ୍ୟ ଅତିଥିଭାବେ  ଅନୁସୂଚିତ ଜାତି ଓ ଅନୁସୂଚିତ ଜନଜାତି ଉନ୍ନୟନ, ସଂଖ୍ୟାଲଘୁ ଓ ପଛୁଆ ବର୍ଗ କଲ୍ୟାଣ ତଥା ଆଇନ ମନ୍ତ୍ରୀ ଶ୍ରୀ ଜଗନ୍ନାଥ ସାରକା ଯୋଗ ଦେଇଥିବା ବେଳେ ସମ୍ମାନନୀୟ ଅତିଥି ଭାବେ କାର୍ଯ୍ୟକ୍ରମରେ ସ୍ବତନ୍ତ୍ର ଉନ୍ନୟନ ପରିଷଦ (ଏସଡିସି)ର ଉପଦେଷ୍ଟା ଶ୍ରୀ ପ୍ରଦୀପ ମାଝୀ, ଅନୁସୂଚିତ ଜାତି ଓ ଅନସୂଚିତ ଜନଜାତି ଜାତି ବିକାଶ ଉପଦେଷ୍ଟା ଶ୍ରୀମତୀ ସରୋଜିନୀ ହେମ୍ବ୍ରମ, ପଛୁଆ ବର୍ଗ ବ୍ୟାପାର ଉପଦେଷ୍ଟା ତାହେରା ଖାତୁନ, ଅନ୍ବେଶା ଓ ଆକାଂକ୍ଷା ଯୋଜନାର ଉପଦେଷ୍ଟା ଶ୍ରୀମତୀ ଏଲିନା ଦାଶ ପ୍ରମୁଖ ଉପସ୍ଥିତ ଥିଲେ ।