ମୋଦି ଖେଳିଲେ ଆଦିବାସୀ କାର୍ଡ, ବିଷ୍ଣୁ ହେଲେ ମୁଖ୍ୟମନ୍ତ୍ରୀ

ରାୟପୁର: ସରପଞ୍ଚରୁ ସିଏମ । ପଛରେ ପଡିଗଲେ ଚର୍ଚ୍ଚିତ ହେଭିଓ୍ବେଟ । ଓବିସି କାର୍ଡ ବଦଳରେ ଆଦିବାସୀ କାର୍ଡ । ବିଷ୍ଣୁଦେବ ସାଏ ଛତିଶଗଡ଼ର ନୂଆ ସିଏମ । ରାଜ୍ୟ ଦେଖିଲା ପ୍ରଥମ ଆଦିବାସୀ ମୁଖ୍ୟମନ୍ତ୍ରୀ । ବିଷ୍ଣୁଦେବଙ୍କ ଉପରେ ହାଇକମାଣ୍ଡ କରିଛନ୍ତି ଭରସା । ଦଳର ୫୪ ବିଧାୟକଙ୍କୁ ନେଇ ବସିଥିବା ବୈଠକରେ ବିଷ୍ଣୁଦେବଙ୍କ ନାଁ ଉପରେ ବାଜିଛି ମୋହର । ସିଏମ ଚୟନ ଲାଗି ଦୁଇ କେନ୍ଦ୍ରମନ୍ତ୍ରୀ ଅର୍ଜୁନ ମୁଣ୍ଡା, ସର୍ବାନନ୍ଦ ସୋନୋୱାଲ ଓ ବରିଷ୍ଠ ନେତା ଦୁଶ୍ୟନ୍ତ ଗୌତମଙ୍କୁ ନେଇ ଗଠିତ ହୋଇଥିଲା ପର୍ଯ୍ୟବେକ୍ଷକ ଟିମ । ଦୁଇ ଜଣଙ୍କୁ ଉପମୁଖ୍ୟମନ୍ତ୍ରୀ କରିବାକୁ ହୋଇଛି ନିଷ୍ପତ୍ତି । ନୂଆ ସିଏମ ଘୋଷଣା ହେବା ପରେ କର୍ମୀ ମନାଇଛନ୍ତି ଖୁସି ।