ଭୁବନେଶ୍ୱର : କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ଆଜି ତାଙ୍କର ପ୍ରାଥି ପତ୍ର ଦାଖଲ କରିଛନ୍ତି । ଦୁଇଟି ସେଟ ଫାଇଲ କରିଛନ୍ତି । ତାଙ୍କର ପ୍ରସ୍ତାଵକ ରହିଛନ୍ତି ମୋହନ ଚରଣ ମାଝୀ ଏବଂ ଅନ୍ୟ ୯ ଜଣ । ତାଙ୍କର ଦୁଇଟି ଯାକ ସେଟ ଆମେ ଗ୍ରହଣ କରିଛୁ । ରସିଦ ବି ଦେଇଛୁ । ଆସନ୍ତା ପ୍ରାଥି ପତ୍ର ଯାଞ୍ଚ ରହିଛି । ଗୋଟିଏ ସେଟ ଗ୍ରହଣ କରିବା ପରେ ଦ୍ୱିତୀୟ ସେଟ ଦାଖଲ ବେଳେ ତାଙ୍କର କେତେକ ଜିନିଷ ପୂରଣ କରି ନଥିଲେ ସେଥିପାଇଁ ପ୍ରାଥି ପତ୍ର ଦାଖଲରେ ବିଳମ୍ବ ହେଲା । ବର୍ତ୍ତମାନ ଅନ୍ୟ କୌଣସି ପ୍ରାଥି ନାମାଙ୍କନ କରି ନାହାନ୍ତି । ଯଦି ନାମାଙ୍କନ ତିନୋଟି ହିଁ ରହିବ ତେବେ ନିର୍ବାଚନ ବା ଭୋଟିଂ ର ଆଉ ଆବଶ୍ୟକତା ନାହିଁ । ପ୍ରାର୍ଥୀପତ୍ର ପ୍ରତ୍ୟାହାର ପ୍ରକ୍ରିୟା ରହିଛି ତାହା ପରେ ହିଁ ଘୋଷଣା ହେବ । ଅର୍ଥାତ ୨୦ ତାରିଖ ଦିନ ପ୍ରାର୍ଥୀପତ୍ର ପ୍ରତ୍ୟାହାର ପ୍ରକ୍ରିୟା ଶେଷ ହେବା ପରେ ଆମେ ଘୋଷଣା କରିବା ସହ ପ୍ରାଥି ମାନଙ୍କୁ ତାଙ୍କ ସାର୍ଟିଫିକେଟ ଦିଆଯିବ ବୋଲି କହିଛନ୍ତି ରାଜ୍ୟସଭା ନିର୍ବାଚନ ର ରିଟର୍ନିଙ୍ଗ ଅଫିସର ଅବନୀକାନ୍ତ ପଟ୍ଟନାୟକ। ଏପଟେ ପ୍ରାର୍ଥୀପତ୍ର ଦାଖଲ ପରେ ଅଶ୍ୱିନୀ ବୈଷ୍ଣବ କହିଛନ୍ତି ଓଡିଶାର ବିକାଶ ପାଇଁ କାର୍ଯ୍ୟକରିବେ। ପୁଣି ଆଉ ଥରେ ଜନସାଧାରଣଙ୍କୁ ସୁଯୋଗ ଦେଇଥିବାରୁ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଦେଇଥିଲେ.
