କାକଟପୁର: କାହା ହାତରେ ରହିବ କାକଟପୁର ବ୍ଲକ। କିଏ ହାତେଇବ ଅଧ୍ୟକ୍ଷ ପଦ। ଆଶାୟୀ ବଡ ବଡ ନେତା ଚିତ ପଟାଙ୍ଗ ମାରିଲେ, ସବୁ ରଣନୀତି ଫେଲ ମାରିବା ପରେ ଏବେ ବ୍ଲକରେ ନିଜ ଲୋକଙ୍କୁ ବସାଇବାକୁ ଘୋଡା ବେପାର ଆରମ୍ଭ କରିଦେଇଛନ୍ତି। ଯାହାକୁ ନେଇ ବିଦ୍ରୋହୀ ଗୋଷ୍ଠୀ ସତର୍କତା ଅବଲମ୍ବନ କରି ସମସ୍ତ ସମିତି ସଭ୍ୟଙ୍କୁ ଏକ ଅଜ୍ଞାତ ସ୍ଥାନରେ ରଖିଛନ୍ତି।
ଏମାନଙ୍କ ସଂଖ୍ୟା ଅଧିକ ରହିଛି। ସଂଖ୍ୟାଗରିଷ୍ଠତା ପାଇଁ ଏମାନେ ବ୍ଳକ ଦଖଲ କରିବାକୁ ପ୍ରସ୍ତୁତ ହେଉଛନ୍ତି। ଆଉ ଦୁଇ ଦିନ ପରେ ସବୁକିଛି ସ୍ପଷ୍ଟ ହେବାକୁ ଥିବା ବେଳେ ବିଜେଡି କିନ୍ତୁ କାହାରି କିଛି ଟେର ପାଉନି। ଫଳରେ ଏହି ବ୍ଲକ ଦଳ ହାତରୁ ଖସିଯିବାକୁ ବସିଛି। ଅନ୍ୟପକ୍ଷରେ ଏହି ସମିତି ସଭ୍ୟ କହିଛନ୍ତି କି, ଆମ ଭିତରେ ମତ ପାର୍ଥକ୍ୟ ନାହିଁ। ଏକାଠି ଅଛୁ। ବିଜେଡିକୁ ଚେକ ଦେବାକୁ ଏକାଠି ହୋଇଛୁ ଆଉ ସଫଳ ହେବୁ ବୋଲି କହିଛନ୍ତି।
