କଟକ: ପାକିସ୍ତାନ ଜିନ୍ଦାବାଦ ପ୍ରସଙ୍ଗକୁ ନେଇ ସାମ୍ନାକୁ ଆସି ସ୍ପଷ୍ଟ କରିଛନ୍ତି କଟକ ବାରବାଟୀ ବିଧାୟକ ସୋଫିଆ ଫିର୍ଦ୍ଦୋଷ। ଏକ ଭିଡିଓ ବାର୍ତାରେ ସେ କହିଛନ୍ତି, ଗତ ଜୁନ ମାସ ୬ ତାରିଖରେ କଟକରେ ହୋଇଥିବା ବିଜୟ ଉତ୍ସବ ଶୋଭାଯାତ୍ରାରେ ସହରର ଗଳିକନ୍ଦିରୁ ବହୁତ୍ ସଂଖ୍ୟାରେ ଜନସାଧାରଣ ସ୍ଵେଚ୍ଛାକୃତ ଭାବରେ ଯୋଗଦେଇ ମତେ ଆଶୀର୍ବାଦ କରିଥିଲେ ।୧୩ ନମ୍ବର ୱାର୍ଡରୁ ମଧ୍ୟ ଏକ ଶୋଭାଯାତ୍ରା ଜନସାଧାରଣଙ୍କ ଦ୍ଵାରା ବାହାରିଥିଲା ।
ଦୁର୍ଭାଗ୍ୟବଶତଃ ଉକ୍ତ ଶୋଭାଯାତ୍ରାର ମୂଳ ଭିଡିଓର ସ୍ଲୋଗାନକୁ (ମୁକ୍କିମ୍ ଭାଇ ଜିନ୍ଦାବାଦ, ସୋଫିଆ ଦିଦି ଜିନ୍ଦାବାଦ) କେହି ଅସାମାଜିକ ବ୍ୟକ୍ତିଙ୍କ ଦ୍ଵାରା ଭିନ୍ନ ଅର୍ଥରେ ଉପସ୍ଥାପିତ କରିବା ସହ ଏଡ଼ିଟ୍ କରାଯାଇ ବିବାଦୀୟ ଭାବରେ ଭାଇରାଲ କରାଯାଉଅଛି। ଏହା ଦ୍ଵାରା ମତେ ଏବଂ କଟକ ସହରକୁ ନିନ୍ଦିତ କରିବା ପାଇଁ ଅପଚେଷ୍ଟା କରାଯାଇଅଛି ।
ସେ କହିଛନ୍ତି, କଟକ ହେଉଛି ଭାଇଚାରାର ସହର, ଯଦି ଖଳପ୍ରକୃତିର ଲୋକ ଯଦି ଏଇ ଭାଇଚାରାକୁ ନଷ୍ଟ କରିବାକୁ ଉଦ୍ୟମ କରିବେ ତାହାକୁ ଆମେ କେବେବି ପ୍ରଶୟ ଦେବୁନାହିଁ | ଏହାକୁ ମୁଁ ଦୃଢ଼ ନିନ୍ଦା କରିବା ସହିତ ପ୍ରଶାସନକୁ ଅନୁରୋଧ କରୁଅଛି ଯେ ଏହାର ତୁରନ୍ତ ତଦନ୍ତ କରନ୍ତୁ ଏବଂ ଦୋଷୀକୁ ସାମ୍ନାକୁ ଆଣି ତା ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉ ।
