ନୂଆଦିଲ୍ଲୀ: ୫ରାଜ୍ୟର ଫଳାଫଳ ସାମ୍ନାକୁ ଆସିବ ପରେ ସମ୍ବୋଧିତ କରିଛନ୍ତି ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି। ବିଜେପିର ବିଜୟ ଅବସରରେ ନୂଆଦିଲ୍ଲୀ ସ୍ଥିତ ଦଳୀୟ ମୁଖ୍ୟାଳୟରେ କର୍ମୀଙ୍କୁ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦଳୀୟ କର୍ମକର୍ତ୍ତାଙ୍କୁ ସମ୍ବୋଧିତ କରି ମୋଦି କହିଛନ୍ତି, ‘ଯୁବ ଭୋଟର ବିଜେପିର ବିଜୟ ପଥକୁ ସୁନିଶ୍ଚିତ କରିଛନ୍ତି । ମାର୍ଚ୍ଚ ୧୦ରେ ବିଜେପିର ହୋଲି ଖେଳିବାର ସ୍ବପ୍ନ ସାକାର ହୋଇଛି । ୪ ରାଜ୍ୟରେ ଦଳର ନୀତି ଆଦର୍ଶକୁ ମିଳିଛି ସମର୍ଥନ । ପୁଣି ବିଜେପିକୁ ଜନତା ଆଶୀର୍ବାଦ କରିଛନ୍ତି । ଉତ୍ତରାଖଣ୍ଡରେ ଇତିହାସ ରଚିଛି ବିଜେପି । ୟୁପିରେ ଦ୍ବିତୀୟ ଥର ପାଇଁ ସରକାର ଗଠନ କରିବାକୁ ଯାଉଛି ଭାରତୀୟ ଜନତା ପାର୍ଟି ।’
ଉତ୍ତରପ୍ରଦେଶ ସମେତ ୫ ରାଜ୍ୟର ବିଧାନସଭା ନିର୍ବାଚନ ଫଳାଫଳ ସାମ୍ନାକୁ ଆସିଛି । ୪ ରାଜ୍ୟରେ ପୁଣି ସରକାର ଗଢିବାକୁ ଯାଉଛି ଭାରତୀୟ ଜନତା ପାର୍ଟି । ସବୁଠାରୁ ଚର୍ଚ୍ଚିତ ରାଜ୍ୟ ଉତ୍ତରପ୍ରଦେଶରେ ପୁଣି ବିଜୟ ବାନା ଉଡାଇ ଇତିହାସ ରଚିଛି ବିଜେପି। ପୂର୍ଣ୍ଣ ବହୁମତ ସହ ପୁଣି ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି ଯୋଗୀ ଆଦିତ୍ୟନାଥ ।