ଭୁବନେଶ୍ୱର: ବିଏମସି ନିର୍ବାଚନ ଏବେ ସର ଗରମ ହେବାକୁ ଲାଗିଛି । ହେଭିୱେଟଙ୍କ ପ୍ରଚାର ରେ ଉଠୁଚିପଡୁଛି ରାଜଧାନୀ। ଆଜି ସୁଲୋଚନାଙ୍କ ପ୍ରଚାରରେ ସାମିଲ ହୋଇଛନ୍ତି ସାଂସଦ, ବିଧାୟକ ଓ ମନ୍ତ୍ରୀ। ବିଜେଡିର ମେୟର ପ୍ରାଥୀ ସୁଲୋଚନା ଦାସ ଙ୍କ ସହିତ ସାଂସଦ ମୁନ୍ନା ଖାଁ, ବିଧାୟକ ଆମର ଶତପଥୀ, ମନ୍ତ୍ରୀ ଅଶୋକ ପଣ୍ଡା ସାମିଲ ହୋଇ ଦମଦାର ପ୍ରଚାର କରିବା ସହ ରୋଡ଼ ସୋ ଓ ବାଇକ ରାଲି କରିଛନ୍ତି। ଆଉ ଶହ ଶହ ସମର୍ଥକଙ୍କ ସହ ଶୋଭାଯାତ୍ରାରେ ଯାଇ ଜନ ସର୍ମଥନ ଲୋଡ଼ିବାରେ ଲାଗିଛନ୍ତି । ପ୍ରଚାର ସମୟରେ ବିଭିନ୍ନ ୱାର୍ଡର ମହିଳା, ଯୁବକ, ଯୁବତୀ ଓ ଶ୍ରମିକମାନେ ଅତି ଆଗ୍ରହର ସହ ଶ୍ରୀମତୀ ଦାସଙ୍କ କାର୍ଯ୍ୟକ୍ରମରେ ସାମିଲ ହେଉଛନ୍ତି ।
ଗୁରୁବାର ଦିନ ସକାଳୁ ଶ୍ରୀମତୀ ଦାସ ୬୪ ନମ୍ବର ୱାର୍ଡରେ ଲୋକଙ୍କ ସାଙ୍ଗରେ ସାକ୍ଷାତ କରି ସେମାନଙ୍କ ଆଶୀର୍ବାଦ ଭିକ୍ଷା କରିଥିଲେ ଏବଂ ତା’ପରେ ସ୍ଥାନୀୟ ସମର୍ଥକଙ୍କ ଦ୍ୱାରା ଆୟୋଜିତ ବିଶାଳ ଶୋଭାଯାତ୍ରାରେ ଯୋଗ ଦେଇଥିଲେ । ସେହିଭଳି ୬୩ ନମ୍ବର ୱାର୍ଡ ଅଞ୍ଚଳରେ ଶୋଭାଯାତ୍ରାରେ ଯାଉଥିବା ସମୟରେ ସ୍ଥାନୀୟ ଲୋକେ ଫୁଲତୋଡ଼ା ଦେଇଥିଲେ ଏବଂ ହୁଳହୁଳି ସହ ପୁଷ୍ପ ବୃଷ୍ଟି ମଧ୍ୟ କରିଥିଲେ । ୬୨ ନମ୍ବର ୱାର୍ଡର କାର୍ଗିଲ ବସ୍ତିଠାରୁ ସକାଳ ୭ ଟା ବେଳେ ପ୍ରଚାର ଶୋଭାଯାତ୍ରା ଆରମ୍ଭ କରି, ବୁଦ୍ଧିଜୀବି, ବ୍ୟବସାୟୀ ଓ ଶ୍ରମିକ ବର୍ଗର ବହୁ ସଂଖ୍ୟକ ଜନତାଙ୍କୁ ଭେଟି ସଦିଚ୍ଛା ଓ ସହଯୋଗ ଲୋଡ଼ିଥିଲେ । ୬୬ ନମ୍ବର ୱାର୍ଡ ଭ୍ରମଣ କରି ପ୍ରଚାର କରିବା ସମୟରେ ଲୋକଙ୍କ ସ୍ନେହ, ପ୍ରେମ ଓ ଭଲପାଇବା ସ୍ଵତଃ ବାରି ହୋଇ ପଡୁଥିଲା ।
ଏ ନିର୍ବାଚନ ଲଢେଇରେ ସଫଳତା ପାଇଁ ସବୁ ୱାର୍ଡର ଲୋକଙ୍କ ବିପୁଳ ସମର୍ଥନ ମୋର ବଡ ପୁଞ୍ଜି ବୋଲି ଶ୍ରୀମତୀ ଦାସ ମନ୍ତବ୍ୟ ଦେଇଛନ୍ତି ।
ଅପରାହ୍ନରୁ ରାତି ପର୍ଯ୍ୟନ୍ତ ମଧ୍ୟ ଜନ ସମ୍ପର୍କ କାର୍ଯ୍ୟକର୍ମ ଚାଲିଥିଲା ବେଳେ ବିଭିନ୍ନ ୱାର୍ଡର ସାଧାରଣ ଲୋକଙ୍କ ସ୍ଥାନୀୟ ସମସ୍ୟା ସମ୍ପର୍କରେ ଅବଗତ ହେବା ସହିତ ଆଗାମୀ ନିର୍ବାଚନରେ ଶ୍ରୀମତୀ ଦାସ ସହଯୋଗ କାମନା କରିଥିଲେ।
