ଭୁବନେଶ୍ୱର, ତା.୨୬/୦୨: ଯଶସ୍ୱୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ସରକାର ଯାହାର ଶିଳାନ୍ୟାସ କରନ୍ତି ତାହାର ଶୁଭ ଉଦ୍ଘାଟନ ମଧ୍ୟ କରିଥାନ୍ତି । ମୋଦିଜୀ ଶାସନକୁ ଆସିବା ପରେ ଭାରତୀୟ ରେଳରେ ଆଧୁନିକୀକରଣ ଓ ଦ୍ରୁତ ରେଳସେବା ନିମନ୍ତେ ସଂକଳ୍ପ ନେଇଛନ୍ତି । ମୋଦିଜୀ ଆଜି ଅମୃତ ଭାରତ ଷ୍ଟେସନ ଯୋଜନା ଅଧୀନରେ ୪୧ହଜାର କୋଟି ବ୍ୟୟରେ ସାରା ଦେଶରେ ୫୫୪ଟି ରେଳ ଷ୍ଟେସନର ପୁନର୍ବିକାଶ ଏବଂ ୧୫ଶହ ରୋଡ୍ ଓଭର ବ୍ରିଜ୍, ଅଣ୍ଡରପାସ୍ର ଶିଳାନ୍ୟାସ ଉଦ୍ଘାଟନ କରିଛନ୍ତି । ଦେଶ ଆଜି ଯାହା ବି କରୁଛି, ତାହା ଦୃତଗତିରେ କରୁଛି । ଆମେ ବଡ ସ୍ୱପ୍ନ ଦେଖୁଛୁ ଏବଂ ତାହାକୁ ସାକାର କରିବା ପାଇଁ ଅକ୍ଳାନ୍ତ ପରିଶ୍ରମ କରୁଛୁ । ଏହି ସଂକଳ୍ପ “ବିକଶିତ ଭାରତ ବିକଶିତ ରେଳସେବା” କାର୍ଯ୍ୟକ୍ରମରେ ଦୃଶ୍ୟମାନ ହେଉଛି । “ଅମୃତ ଭାରତ ଷ୍ଟେସନ ଉଭୟ ବିକାଶ ଏବଂ ଐତିହ୍ୟର ପ୍ରତୀକ” । ସେହିପରି ଓଡ଼ିଶାରେ ୨୧ଟି ଷ୍ଟେସନ ଯଥା-ରାୟଗଡା, ଭଦ୍ରକ, ବାଲେଶ୍ୱର, ଟିଟିଲାଗଡ ଜଙ୍କ୍ସନ୍, କେସିଙ୍ଗା, କୋରାପୁଟ ଜଙ୍କ୍ସନ୍, ସମ୍ବଲପୁର ସିଟି, ଝାରସୁଗୁଡା ରୋଡ୍, ଜୟପୁର, ରଘୁନାଥପୁର, ବେଲପାହାଡ, ପାରାଦୀପ, ପାନପୋଷ, ବେତନଟି, ତାଳଚେର, ପାରଳାଖେମୁଣ୍ଡି, କେନ୍ଦୁଝରଗଡ, ବିମଳାଗଡ, ଜରୋଲି, ରାଇରଙ୍ଗପୁର ଓ ବ୍ରଜରାଜ ନଗର ପୁନର୍ବିକାଶ ଓ ୫୨ଟି ସ୍ଥାନରେ ରେଲୱେ ଅଣ୍ଡରପାସ୍/ ଓଭରବ୍ରିଜର ଶୁଭ ଉଦ୍ଘାଟନ ଓ ଶିଳାନ୍ୟାସ କରିଛନ୍ତି । ରୁଫ୍ ପ୍ଳାଜା, ସପିଙ୍ଗ୍ ଜୋନ୍, ଫୁଡ୍ କୋର୍ଟ, ପିଲାମାନଙ୍କ ଖେଳ ପରିସର, ଭିନ୍ନ ଭିନ୍ନ ପ୍ରବେଶ ଓ ପ୍ରସ୍ଥାନ ଦ୍ୱାର, ବହୁସ୍ତରୀୟ ପାର୍କିଙ୍ଗ, ଲିଫ୍ଟ, ଏସ୍କାଲେଟର୍, ଏକ୍ଜିକ୍ୟୁ ଇତ୍ୟାଦି ନୂତନ ସୁବିଧା ଯୋଡି ସିଟି ସେଂଟରର ପୁନର୍ବିକାଶ କରିଛନ୍ତି । ଐତିହାସିକ ପଦକ୍ଷେପ ତଥା ଓଡିଶାରେ ରେଳ ନବୀକରଣକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଗ୍ରାଧିକାର ଦେଉଥିବାରୁ ରାଜ୍ୟ ସଭାପତି ଶ୍ରୀ ମନମୋହନ ସାମଲ ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ଧନ୍ୟବାଦ ଜଣାଇଛନ୍ତି ।
ଭାରତୀୟ ରେଳରେ ଆବଶ୍ୟକୀୟ ନବୀକରଣକୁ ପୂର୍ବବର୍ତୀ ସରକାର ସେଭଳି ବିଶେଷ ଗୁରୁତ୍ୱ ନଦେବା ଓ ଓଡ଼ିଶାକୁ ଅବହେଳା କରିବା, ଓଡ଼ିଶାବାସୀଙ୍କୁ ମର୍ମାହତ କରିଥିଲା । ଦେଶର ପ୍ରତ୍ୟେକ ପ୍ରାନ୍ତର ଉନ୍ନତୀକୁ ଅଗ୍ରାଧିକାର ଦେଉଥିବା ମୋଦି ସରକାର ରେଳ ନବୀକରଣର ସ୍ୱପ୍ନକୁ ସାକାର କରିବାରେ ସକ୍ଷମ ହୋଇଛି “ମୋଦି ସରକାରଙ୍କ ଗ୍ୟାରେଂଟି” ମାଧ୍ୟମରେ । ଆଜିର ଦିବସ/ “୨୬ ଫେବୃୟାରୀ, ୨୦୨୪” ରେଳ ସେବା ଇତିହାସରେ ଏକ ସ୍ୱର୍ଣ୍ଣିମ ତଥା ଐତିହାସିକ ଦିବସଭାବେ ଲିପିବଦ୍ଧ ହୋଇ ରହିବ । ଭାରତୀୟ ରେଳ ଦେଶରେ ଗମନା ଗମନ ଓ ପରିବହନ କ୍ଷେତ୍ରରେ ମୁଖ୍ୟ ଆଧାର ପାଲଟିବା ସହିତ, ଦେଶବାସୀଙ୍କ ବଡ ବଡ ସ୍ୱପ୍ନକୁ ବାସ୍ତବତାର ରୂପ ଦେବାରେ ସକ୍ଷମ ହୋଇଛି ଏହି “ମୋଦି ସରକାରଙ୍କ ଗ୍ୟାରେଂଟି” ବୋଲି ରାଜ୍ୟ ସଭାପତି ଶ୍ରୀ ସାମଲ କହିଛନ୍ତି ।
ଏହା ସହିତ ରାଜ୍ୟର ବିଭିନ୍ନ ରେଳ ଷ୍ଟେସନ ନିର୍ମିତ ପ୍ରକଳ୍ପ ସ୍ଥାନରେ ଉପସ୍ଥିତ ଥିବା ସ୍ଥାନୀୟ ଲୋକ ପ୍ରତିନିଧି ଓ ମାନ୍ୟଗଣ୍ୟ ନେତୃବୃନ୍ଦମାନେ ଉପସ୍ଥିତ ରହି ଏହି କାର୍ଯ୍ୟକ୍ରମକୁ ସଫଳ କରିଛନ୍ତି ବୋଲି ଶ୍ରୀ ସାମଲ କହିଛନ୍ତି ।
![](https://breakingodisha.com/wp-content/uploads/2024/02/IMG-20240226-WA0048.jpg)
![](https://breakingodisha.com/wp-content/uploads/2024/04/breakingodish.jpeg)
You May Also Like
ଓଡ଼ିଶା ନ୍ୟୁଜ
ଭୁବନେଶ୍ୱର: ବିଜୁ ପଟ୍ଟନାୟକ କ୍ରୀଡା ପୁରସ୍କାର ନାମ ପରିବର୍ତ୍ତନ ନେଇ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ପ୍ରତିକ୍ରିୟା। ଏ ନେଇ ଗଣମାଧ୍ୟମରୁ ଜାଣିଲି। ବିଜୁ ବାବୁଙ୍କ ନାଁରେ ଯେଉଁ ଦୀର୍ଘ ଦିନରୁ ପୁରସ୍କାର ଦିଆଯାଉଛି,...
ବିଜିନେସ
ଭୁବନେଶ୍ଵର, ୧୮/୦୭/୨୦୨୪:ପୂର୍ବ ବର୍ଷ ପରି ପବିତ୍ର ରଥଯାତ୍ରାରେ ଭକ୍ତମାନଙ୍କ ସେବା କରିବାର ପରମ୍ପରାକୁ ବଜାୟ ରଖି ଅଗ୍ରଣୀ ଇସ୍ପାତ ନିର୍ମାତା ଜିନ୍ଦଲ ଷ୍ଟିଲ ଏଣ୍ଡ ପାୱାର (ଜେଏସପି)ର ସାମାଜିକ ଶାଖା ଜେଏସପି ଫାଉଣ୍ଡେସନ...
ଓଡ଼ିଶା ନ୍ୟୁଜ
ଭୁବନେଶ୍ୱର, ୧୯/୦୭: ଉତର ପଶ୍ଚିମ ଏବଂ ତତ୍ସଂଲଗ୍ନ ପଶ୍ଚିମ ମଧ୍ୟ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଶୁକ୍ରବାର ଅବପାତରେ ପରିଣତ ହୋଇଥିବା ବେଳେ ଗୋପାଳପୁର ଠାରୁ ପୂର୍ବ ଦିଗରେ ଦକ୍ଷିଣ ଓଡ଼ିଶା ଓ...
ଅପରାଧ
କୃଷି ହିଁ ମନୁଷ୍ୟକୁ ରୋଜଗାରକ୍ଷମ କରାଇପାରିବ ଏବଂ ଜୀବିକା ପାଇଁ ଭିଟାମାଟି ଛାଡ଼ିବାକୁ ପଡ଼ିବ ନାହିଁ ବୋଲି କହିଛନ୍ତି ଓଡ଼ିଶାର ଉପମୁଖ୍ୟମନ୍ତ୍ରୀ ଶ୍ରୀ କନକବର୍ଦ୍ଧନ ସିଂହଦେଓ । ଶିକ୍ଷା ଓ ଅନୁସନ୍ଧାନ (ସୋଆ)...