ନିଶା ମହାରଣାଙ୍କ ବିରୁଦ୍ଧରେ ମହିଳା ଥାନାରେ ଅଭିଯୋଗ କଲା କଂଗ୍ରେସ

ଭୁବନେଶ୍ୱର ତା. ୩୦.୩- ଭୁବନେଶ୍ୱର ଜିଲ୍ଲା ମହିଳା କଂଗ୍ରେସ ନେତୃତ୍ୱରେ ୫୦ ରୁ ଅଧିକ ମହିଳା ଭୁବନେଶ୍ୱର ମହିଳା ଥାନାକୁ ଯାଇ କଂଗ୍ରେସ ଭବନରେ ହୋଲି ଦିନ କଂଗ୍ରେସ ଭବନରେ ନିଶା
ମହାରଣା ଯେଉଁ ଅସଭ୍ୟ ଓ ଅଭଦ୍ର ଭାଷ କଂଗ୍ରେସ ନେତୃବର୍ଗଙ୍କ ପ୍ରତି ପ୍ରୟୋଗ କରିବା ଏବଂ ଅଶୋଭନୀୟ ଆଚରଣ ପ୍ରଦର୍ଶନ କରିଥିଲା ତା ବିରୁଦ୍ଧରେ ଭୁବନେଶ୍ୱର ଜିଲ୍ଲା ମହିଳା କଂଗ୍ରେସ ଏକ କେସ ଦାୟର କରିଛନ୍ତି । ମହିଳା ଥାନାର ଇନସ୍‌ପେକ୍ଟର ଏହି ଏଫଆଇରକୁ ରେଜିଷ୍ଟ୍ରିଭୁକ୍ତ କରି ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି । ମହିଳା ନେତୃମଣ୍ଡଳୀ ଥାନା ଇନସ୍‌ପେକ୍ଟରଙ୍କୁ ନିଶା ମହାରଣାଙ୍କୁ ତୁରନ୍ତ ଗିରଫ କରିବାପାଇଁ ଦୃଢ଼ ଦାବି ଜଣାଇଛନ୍ତି । ସାମାଜିକ ଗଣମାଧ୍ୟମରେ ଯେଉଁଭଳି ଅଶାଳୀନ ବିବୃତି ଦେଉଛନ୍ତି ତାହା ଆମ ସମାଜକୁ ପଥଭ୍ରଷ୍ଟ କରିବା ସହିତ ଆମ ସାମାଜିକ ଓ ପାରିବାରିକ ଜୀବନରେ ଅତ୍ୟନ୍ତ ଅରୁଚିକର ହୋଇପଡ଼ୁଛି ବୋଲି କହିଛନ୍ତି ।